Солист

Содржина

Еден новинар открива поранешен талент за класична музика кој сега свири со својата виолина на улиците на Лос Анџелес. Кога новинарот се обидува да му помогне на бездомникот, тие развиваат уникатно пријателство кое им ги менува животите.
Колумнистот Стив Лопез (Роберт Дауни Јуниор) се наоѓа во ќорсокак. Новинарскиот бизнис е во хаос, неговиот брак со колешката новинарка се распаѓа, а тој не може да се сети зошто воопшто ја засакал својата работа. Еден ден, додека шета низ Лос Анџелес, тој ја гледа мистериозно излитената фигура на Натаниел Ајерс (Џејми Фокс) како ја остава својата душа на една виолина со две жици. Најпрвин Лопез на Ајерс гледа како на уште една идеја за приказна во милионскиот град. Но, кога почнува да ја дознава мистеријата за тоа како брилијантниот уличен музичар кој порано бил динамичен талент на пат кон слава, завршил со живот во тунели и пред куќни прагови, тоа предизвикува една неочекувана авантура. Замислувајќи си дека може да го промени животот на Ајерс, Лопез тргнува на оптимистичка мисија да го тргне од улиците и да го врати во светот на музиката. Но, дури кога почнува да се бори за да го спаси животот на Ајерс, тој почнува да сфаќа дека всушност Ајерс со својата непобедлива страст и слобода, непокорност и храбра упорност за поврзување и љубов е тој што суштински го менува самиот Лопез.