Воени фотографи

Содржина

Вистинита приказна за четворица млади воени фотографи поврзани преку пријателството и чувството за пренесување на вистината.
„Бенг-Бенг Клуб“ е името кое им е дадено на четворицата млади фотографи, Грег Маринович (Рајан Филипе), Кевин Картер (Тејлор Кич), Кен Остербрук и Жоао Силва, чии фотографии ги прикажаа последните крвави денови од владеењето на белците во Јужна Африка. Двајца од нив добија Пулицерова награда за својата работа. Филмот ја раскажува неверојатната и понекогаш застрашувачка приказна на овие млади мажи, како и неверојатните работи кои ги прават за да ги снимат своите фотографии. Ана (Малин Акерман) е нивниот фотографски уредник. Таа внимава на нив, ги заштитува и се грижи нивните фотографии да бидат видени низ целиот свет. Филмот „Воени фотографи“ се заснова врз книгата на Маринович и Силва и ја раскажува вистинитата приказна за овие четворица млади мажи кои се сеќаваат на меѓусебните врски и стресови, напнатоста и моралните дилеми при работата во ситуации кога има екстремно насилство, болка и патење. Тоа е и приказна за последните денови на апартхејдот и раѓањето на новата Јужна Африка.