Содржина
Али Дарлинг (Ана Ферис) тргнува во потрага по најдоброто поранешно момче во нејзиниот живот откако прочитала напис во едно списание во кој се предупредуваат луѓето што имале 20 или повеќе врски дека ја пропуштиле својата шанса за вистинска љубов. Згодниот нов сосед на Али, Колин (Крис Еванс), ѝ помага да ги најде поранешните момчиња, а во замена за тоа Али му помога тој да ги избегне своите поранешни девојки. Али е оригинална модерна хероина. Таа е умна и привлечна, има смисла за хумор и е романтична млада жена, која се обидува да се сфати себе, како и да сфати со кого треба да биде. Додека нејзината потрага по најдоброто поранешно момче е предизвикана од написот во едно списание, таа исто така означува и нешто друго. Али се наоѓа во неудобна точка од својот живот бидејќи ги нема ниту сопругот, ниту работата, ниту животот за кои мислела дека ќе ги има. Таа е на крстопат и се прашува дали пропуштила нешто или некој битен во текот на минатата деценија.