Содржина
Рок-ѕвездата Принц го прави своето спектакуларно филмско деби во овој автобиографски блокбастер, кој ги доби наградите „Оскар“ и „Греми“.
„Пурпурен дожд“ е приказна за брилијантниот надежен млад музичар со прекар Кид. Тоа е и приказна за млад маж во потрага по самосвест и по љубов. Дејството се одвива во светот на музичката супкултура, во чиј центар е еден ноќен клуб каде што животот е брз, а врските се кратки. Принц, во улогата на Кид, живее во нехармонично семејство, се бори со сопствениот музички раст и со уметникот Морис Деј, кој е негов ривал и водач на „Тајм“, еден од „најжешките“ фанк-состави во Америка. Морис Деј се покажува како најголем непријател на Принц. Но Морис не сака да го надмине Принц само на професионален план туку сака да ја освои и неговата љубов, Аполонија. Принц израснал во несреќен дом, па од својата депресивност бега во визбата во домот на родителите, претворајќи ја во заштитена средина што може да ја контролира. Тука ја создава својата музика и учи како да се соочи со својот бес и со својата ранливост. Овој автобиографски блокбастер ги доби наградите „Оскар“ и „Греми“.