Содржина
„Пак ти“ е филм со многу смеење и чиста забава со ѕвездена екипа од актери и комичари во која се Кристен Бел, Џејми Ли Кертис, Сигурни Вивер и секогаш урнебесната Бети Вајт.
Во своите тинејџерски години, Марни била малку чудна. Денес, таа е успешна жена со кариера, но сеќавањата на малтретирањата од популарната мажоретка, Џоана, уште ѝ предизвикуваат морници. Летајќи дома за свадбата на својот брат, Вил, Марни во ужас дознава дека наскоро ќе ѝ биде јатрва на злобната девојка која порано ја понижувала пред сите ученици. А очигледно е дека нејзината соперничка учела од најдобрите, бидејќи во времето кога мајката на Марни била средношколка, тетката на Џоана го практикувала истиот третман. Сега, кога ќе станат семејство, Марни и нејзината мајка прават сé што можат за минатото да остане минато. Но, старите кавги тешко умираат и додека да почне свадбата, овие стари непријатели веќе ќе создадат неколку интересни приказни за раскажување на внуците.