Дајте

Содржина

Кејт (Кетрин Кинер) има многу работи на ум. Има етички проблем со купување евтин мебел кој потоа го продава по висока цена во својата луксузна продавница на Менхетен (а до каде може да оди со набивањето цена?). Потоа, таа има материјалистички проблем поради тоа што не сака нејзината ќерка-тинејџерка (Сара Стил) да ги сака скапите работи кои таа самата ги сака. Потоа, тука е брачниот проблем во кој треба да го споделува партнерскиот однос околу родителската грижа, бизнисот и животот со нејзиниот сопруг, Алекс (Оливер Плат), но со чувство на сомнеж кое ги разјадува брачните темели. Кејт ја мачи и главниот проблем на 21-от век - проблемот за тоа како да се живее добро и да се биде добра личност кога сиромаштијата, бездомништвото и тагата секогаш ви се пред врата.
Згора на тоа, тука се и соседите: здодевната и постара Андра (Ен Гилберт) и нејзините две внуки кои се грижат за неа (Ребека Хол и Аманда Пит). Додека Кејт, Алекс и Еби комуницираат со соседите и меѓусебно, како и со својата њујоршка околина, се развива една комплексна мешавина од злонамерност, пријателство, измама, вина и љубов со остар хумор и заплет. Филмот „Дајте на сценаристот/режисерот Никол Хологценер претставува хумористичен поглед на спротивставеностите на модерниот живот, добрите намери и колебливите морални стандарди.