Содржина
Ник Твисп е „запален“ тинејџер кој сака да биде писател, живее според песните на Френк Синатра и ги цени филмовите на Фелини, саркастично набљудувајќи ги животите на неговите разведени родители – татко му, кој живее со многу помладата русокоса манекенка и мајка му, која ги прифаќа сите мажи кои може да ги најде. И покрај целиот тој интелект, тој само сака да се вклопи. Додека ги придружува својата мајка и нејзиниот моментален љубовник на еден одмор во приколка, тој се вљубува во Шини, која за него претставува совршенство. Тие имаат сладок, но краток летен флерт (при што невиноста на Твисп останува недопрена), но Ник сака тоа да трае вечно. Усвојувајќи двојна личност како Франсоа, неговото опасно алтер-его, Ник прави сè што може за да го исфрлат и да може да живее блиску до Шини. На почетокот на филмот, Ник забележува дека „во филмовите, доброто момче ја добива девојката, а во реалноста тоа е кретенот“, па се обидува да ги поправи работите во тој поглед. Неговата цел е само да се бори за нејзината љубов.
Слики
