Содржина
Растејќи во Бруклин, Њујорк, младиот Томи Попер се радувал на моментите кога одвај дофаќајќи ја аматерската радиостаница во својата спална соба можел да зборува со својот татко, кој е светски патник. По повеќе години, Томи сега е г. Попер (Џим Кери), успешен инвеститор на недвижности во Менхетен. Тој мирно се разведува од Аманда со која има две деца, кои ги гледа за викендите. Г. Попер живее луксузен живот во ултрамодерен стан и е на добар пат да стане партнер во неговата престижна фирма. Тоа е така сè додека едно утро пред вратата на Попер не пристигнува сандак со подарок од покојниот татко на Попер, кој е сувенир од Антарктикот.
Во дрвената кутија, вгнезден помеѓу парчиња мраз, се наоѓа пингвин од половина метар, со светлопортокалови нозе. Тоа не е играчка, туку вистински пингвин, кој оди по подот на Попер и испушта гласни крици. Сакајќи да се ослободи од ова диво суштество, Попер ги контактира сите можни градски и државни агенции, но никој не сака да го прифати пингвинот. Неговиот повик до Антарктикот во обид да ја испрати назад птицата, резултира со пристигнување на уште пет пингвини пред вратата на Попер.
Како што се запознава и сè повеќе се приврзува кон своите крилести цимери, животот на Попер набргу почнува да се менува. Неговиот луксузен стан во Њујорк се претвора во снежна, зимска земја на чудата, зделката на која долго време работел се откажува, а и за малку завршува во затвор. Но, благодарение на овие новини, Попер почнува да ја разбира важноста на семејството, она што е составено од луѓе и од други суштества.