Cанктум

Содржина

Акциониот трилер „Cанктум 3-Д“ од извршниот продуцент Џејмс Камерон прикажува тим од нуркачи во подводни пештери кои се на една опасна експедиција во најголемиот, најубавиот и најнепристапниот пештерски систем на Земјата. Кога една тропска бура ги присилува да останат длабоко во пештерите, тие мора да се борат со немирната вода, смртоносниот терен и големата паника додека бараат непозната рута за бегство до морето.
Главниот нуркач Френк Мекгвајер ги истражувал пештерите Еса-Ала во Јужниот Пацифик со месеци. Но кога неговиот излез е пресечен поради една поплава, тимот на Френк, во кој е и неговиот 17-годишен син Џош и финансиерот Карл Хурли, присилен е радикално да ги промени плановите. Бидејќи резервите им се намалуваат, екипажот мора да патува низ еден подводен лавиринт за да се спаси. Наскоро се соочуваат со неизбежното прашање: дали можат да преживеат или ќе бидат заробени засекогаш?
Филмот „Санктум“ е сниман на локации до Златниот Брег во Квинсленд, Австралија, а публиката ќе ја однесе на возбудливо патување низ стрмните карпи и во најдалечните места на подземниот свет.