Обред

Содржина

„Обред“ е трилер за натприродното, кој ја разоткрива раката на ѓаволот дури и во едно од најсветите места на Земјата. Филмот е инспириран од вистинити настани и го прикажува студентот Мајкл Ковак (Колин О'Донахју), испратен да студира егзорцизам во Ватикан, и покрај неговите сомнежи за контроверзната практика, па дури и во сопствената вера. Носејќи го својот длабок скептицизам како оклоп, Мајкл ги предизвикува своите надредени, при третманот на опседнатите, да се свртат кон психијатријата, а не кон демоните. Дури откако е испратен да учи од неконвенционалниот отец Лукас (Ентони Хопкинс), легендарен свештеник што извршил илјадници егзорцизми, оклопот на Мајкл почнува да паѓа. Вовлечен во еден тежок случај којшто изгледа дека е претежок дури и за вештините на отец Лукас, Мајкл станува сведок на феномен којшто науката не може да го објасни ниту да го контролира, а и на зло кое е толку насилно и ужасно што го присилува да преиспита сѐ во што верува.