Содржина
Сузана е депресивна и не знае што да прави откако завршува средно училиште во доцните 1960-ти. Обидот за самубиство ја носи во менталната институција „Клејмор“ каде што минува 18 месеци борејќи се во бизарниот свет на таа институција.
Годината е 1967, а 17-годишната Сузана Кајсен (Винона Рајдер) е како и повеќето тинејџери: збунета, несигурна, борејќи се да го разбере светот, кој брзо се менува околу неа. Психијатарот со кого се среќава (благодарејќи на нејзините родители), на ова однесување му дава име, гранично нарушување на личноста, па ја испраќа во болницата „Клејмор“. Тука Сузана се придружува на сивиот свет на ексцентричните млади жени, помеѓу кои е и шармантната социопатка Лиза (Анџелина Џоли), галената „татина девојка“ Дејзи (Британи Марфи) и жртвата од пожар Поли (Елизабет Мос). Предводени од строгата сестра на одделот, Валери (Вупи Голдберг) и од главниот психијатар на болницата, д-р Вик (Ванеса Редгрејв), Сузана мора да одбере помеѓу световите на тие што припаѓаат во институцијата и честопати тешкиот свет на реалноста во надворешноста.