Мостот за Терабитија

СОДРЖИНА

Од „Волт Дизни Пикчрс“ и од „Волден Медија“ ни доаѓа „Мостот за Терабитија“, возбудлива и трогателна фантастична авантура за моќта на имагинацијата и за магијата на пријателството. Уморни од малтретирањето во школо и запоставени дома, Џес Аронс и Лесли Бурк бегаат во шумите, каде што Лесли му го покажува на Џес чудесното кралство Терабитија. Тоа е тајна земја каде што тие суверено владеат помеѓу џиновите, огрите и други фантастични суштества кои ги создале. Како што нивната фантазија се зголемува и пријателството се продлабочува, тие откриваат како да владеат со своето кралство, да се борат против силите на мракот и да си ги променат животите засекогаш. Заснован на книгата добитничка на „Њубери Медал“, „Мостот за Терабитија“ ќе ве одведе на патување кое никогаш нема да го заборавите.