Содржина
Секое доба си има свои визионери кои со својата генијалност го менуваат светот, но ретко без борба околу тоа што навистина се случило и кој бил таму во моментот на создавањето. „Социјална мрежа“ го прикажува моментот кога бил измислен „Фејсбук“, преку спротивставените погледи на интелигентните млади мажи кои секој за себе тврдат дека биле таму во моментот на создавањето. Филмот се движи од ходниците на Харвард до канцелариите во Пало Алто, за да ги прикаже раните денови од создавањето на еден феномен кој ја промени целата култура, како и да го прикаже начинот на кој тој спои група млади револуционери, а потоа и ги раздели. Во целиот тој хаос се наоѓаат Марк Цукерберг (Џеси Ајсенберг), брилијантниот студент на Харвард, кој создал веб-локација; Едуардо Саверин (Ендру Гарфилд), поранешниот близок пријател на Цукерберг кој ги обезбедува првите финансии за новата компанија; создавачот на „Напстер“, Шон Паркер (Џастин Тимберлејк) кој го донесе „Фејсбук“ пред големите играчи од Силиконската долина; како и близнаците Винклвос (Арми Хамер и Џош Пенс), соучениците на Цукерберг од Харвард, кои велат дека тој ја украл нивната идеја, а потоа и го тужеле за сопственоста. Секој има сопствена приказна, сопствена верзија на приказната за „Фејсбук“ во овој портрет за успехот во 21-от век, за младешката фантазија и за засебните реалности на крај.