12 рунди

СОДРЖИНА

Од режисерот на „Умри машки 2“ и продуцентот на „Брзина“, ви го претставуваме 12 РУНДИ, во кој главната улога ја игра Џон Кена, како полицискиот детектив од Њу Орлеанс Дени Фишер. Кога Фишер ќе го спречи брилијантниот крадец Мајлс да се извлече со мулти-милионски грабеж, девојката на крадецот е случајно убиена. Откако бега од затвор, криминалниот гениј тргнува да се одмазди, вовлекувајќи го Дени во серија од речиси невозможни гатанки и задачи... 12 РУНДИ... Што Дени мора некако да ги реши и заврши за да ја спаси својата свршеница. Од тестови за интелигензија до сизифовски тестови за издржливост, Мајлс го тера Дени да погодува на слепо на секое следно вртење. Со секоја нова рунда Дени треба да трча низ градот со невидена брзина. Додека Мајлс си игра со Дени, во опасност се и невини граѓани. Автомобилите, трамваите и траектите се претворени во потенцијално оружје за масовно уништување. Со сите овие насилни тестови, еден погрешен потег може да доведе до смртоносен заклучок. За Џон Кена, 12 РУНДИ не е само обична улога. Ова е негово воведување во малубројната група на ѕвезди од акционите филмови. Освен тоа, ликот Дени Фишер е тип на херој што Кена уживал да го гледа, како љубител на тој жанр. „Осумдесеттите беа ера на ’обичните’ херои“, објаснува Кена. „И оттогаш немало таков тип на херој. Момците како Брус Вилис во ’Умри Машки’ докажаа дека и обичен човек може да биде акционен херој. Ако јас некако влегувам во таа група, тогаш одлично сум почнал“.