Америка

Содржина

Америка е 16-годишно момче кое има лошо минато и многу несигурна иднина. Додека престојува во болницата, со помош од лекарот и еден друг пациент, мора да научи да се соочи со демоните од своето минато, за да може да почне со нов живот.
Во „Америка“ д-р Морин Бренан (Рози О’Донел), психијатар во педијатриски центар, се сретнува со својот најнов пациент, 16-годишно дворасно момче по име Америка (Филип Џонсон). Во нивните сесии, д-р Бренан му помага на Америка да се помири со својот немирен живот, кој почнал кога бил одземен од својата мајка зависничка од дрога, и бил посвоен уште како бебе. Кратко време, Америка живеел мирно со г-ѓа Харпер (Руби Ди), постара дадилка во едно од семејствата кои го посвоиле. Подоцна тој е вратен кај мајка му, но таа пак го напушта Америка, а тој повторно е даден на посвојување. Заостанувајќи на училиште и полн со гнев, Америка уште толку се повлекува од општеството, по години сексуално злоставување. Откако се обидува да се самоубие, Америка е сместен во педијатриска установа, каде д-р Бренан му помага да се отвори во поглед на своето болно минато и да ги осознае поддршката и храброста кои му требаат за да почне со нов живот.