Содржина
Светот е поделен помеѓу четири кралства, секое е претставувано од елементот што го владеат, а мирот во земјите на Водата, Воздухот, Земјата и Огнот трае под надзорот на Аватарот, кој е врска со духовниот свет и е единствен со способност да ги совлада сите четири елементи.
Кога младиот Аватар Аанг исчезнува, Огнениот народ започнува напад за истребување на сите од народот на Воздушните номади, за да го спречи нивното мешање во идните планови за светска доминација. 100 години минуваат и моменталниот Господар на огнот, Озаи, продолжува да ги освојува и затвора сите оние кои имаат способност за „искривување“ на елементите во кралствата на Земјата и Водата, додека братот и сестрата, Катара и Сока од Јужното водено племе наоѓаат едно мистериозно момче, заробено под мразот, надвор од нивното село. Откако го спасуваат, се покажува дека тој е Аанг, Аватарот и последниот од Воздушните номади. Заколнувајќи се дека ќе го штитат Аватарот, Катара и Сока патуваат со него до Северното водено кралство, во неговата потрага да ја научи вештината за „искривување на водата“ и на крајот да ја исполни својата судбина и уште еднаш да го врати мирот во светот. Но, како што се приближува до својата цел, групата мора да ги избегне принцот Зуко, избрканиот син на господарот Озаи, командантот Жао, воениот водач на Огнениот народ, како и тиранијата на самиот господар на Огнот.