Содржина
Џун Хејвенс (Камерон Дијаз) се подготвува за лет назад кон својот дом за свадбата на сестра си, кога буквално се судира со Рој Милер (Ром Круз) насред еден раздвижен аеродром. По неколку минути тие разговараат на авионот, а Џун заминува кон тоалетот кога одеднаш во авионот настанува хаос. Додека Џун да излезе, Рој веќе ги убил сите во авионот, вклучувајќи ги и пилотите. Откако принудно го слетува авионот, Рој ѝ кажува на Џун дека таа треба да очекува посета од владини агенти, но ја предупредува дека соработката со нив би можела да значи речиси сигурна смрт за неа.
Следниот ден, предвидувањето на Рој се остварува кога Џун се соочува со група владини агенти врз кои започнува стрелба додека тие ја бомбардираат со прашања за нејзиниот мистериозен сопатник. Наеднаш, Рој се враќа и уште еднаш ја спасува Џун. Но, што сакаат агентите и зошто инсистираат дека треба да се плаши од Рој, а не од нив?
За кратко време, девојката која никогаш нема патувано далеку од дома, тргнува на дива авантура која ќе ја одведе од тропските предели до Австрија, Франција и Шпанија. Низ целата таа збунетост и пукотниците, Џун почнува да гради врска со Рој. За жал, никогаш не е сосема јасно дали нејзиниот непредвидлив заштитник е лош или добар, а додека Рој не открие дека се обидува да заштити еден нов енергетски ресурс, нема време за прашања.