Битка за децата

Содржина

Животот на Анди е постојана битка за домот, неговите три деца и жената која сè уште ја сака. Тој има само две недели да ѝ ги врати позајмените 5 000 евра. Кога ја губи работата, аматерскиот боксерски турнир изгледа како единствено решение.
„Битка за децата“ ја раскажува приказната за бившиот боксер Анди Јовановиќ – неверојатно силен карактер кој е ставен до работ кога се обидува да го задржи старателството врз своите три деца и да им пружи сè што им треба додека се мачи како физички работник. Под закана за иселување, Анди ѝ се обраќа на бившата девојка Соња – мајка на најмладото дете Фиу и вистинската љубов на неговиот живот. Но откако Анди ја губи работата, Соња инсистира тој да ѝ ги врати парите, или ќе му забрани да го гледа Фиу. Анди се надева дека неговите проблеми ќе бидат решени ако победи на аматерскиот боксерски турнир кој носи финансиска награда. Тој смета дека тоа ќе му овозможи да го плати долгот и да докаже дека е доволно вреден за да може повторно да биде со Соња и Фиу.