Содржина
Арон Грин е човек што ги завршува работите. Овој амбициозен 24-годишник ја добива задачата на својата кариера. Неговата мисија е да долета до Лондон и да го донесе рок-„богот“ до светски познатиот Грчки театар во Лос Анџелес за големиот концерт за неговото враќање. Шефот на неговата музичка компанија, Серџо Рома, му дава едно предупредување: „Уметникот е најлошата личност на Земјата. Доколку му го свртиш грбот, се доведуваш себеси во опасност“. Британскиот рокер Алдоус Сноу е брилијантен музичар, но поради раскинувањето со неговата девојка и пропаѓањето на неговата кариера, тој сега е катастрофа на две нозе. Уморен од послушници и уплашен дека влегува во залезот на својата кариера, Сноу се наоѓа во фаза на нихилистички пад. Кога дознава дека неговата вистинска љубов, манекенката и поп ѕвезда Џеки Кју, се наоѓа во Лос Анџелес, Алдоус си поставува цел да ја врати кај себе... токму пред своето враќање кон светската доминација. Како што се наближува концертот, овој невин млад човек мора да се снаоѓа низ светот на лондонските дилери на дрога, низ хаосот на Менхетен и развратот на Вегас за својот товар безбедно да го испорача... при тоа обидувајќи се да ѝ остане верен на својата девојка, Дафни. Арон можеби ќе мора да го убедува и лаже Алдоус, а и да се забавува со него, но тој ќе го однесе во Грчкиот театар!
Слики
