Содржина
Двајца тврдоглави ранчери се двоумат меѓу почитта кон земјата и привлечноста на лесниот живот кога една рударска компанија им нуди многу пари за имотите.
Филмот „Монтана“ се одвива во округот Роузбад и ги има сите елементи на класична вестерн-приказна, фрлање ласо, јавање коњи, работа на ранч, кантри-музика и тепање по барови. Сепак, овие романтични карактеристики се пореметени од суровата реалност на животот во денешна Монтана. Огромните ливади се уништуваат поради рударство, а ранчерите и фармерите не се во можност да заработат за живот. Американскиот каубој со забрзано темпо станува само легенда од стариот запад. Семејството Гатри мора да ги преживее овие променливи времиња и тоа е поделено. Таткото и синот сакаат да го продадат ранчот, а мајката и ќерката посакуваат да ја спасат земјата и да го зачуваат својот традиционален начин на живеење.