Темни улици

Содржина

ТЕМНИ УЛИЦИ е стилски ноар филм во вид на грозничав сон со блуз музика, заведување и убиство. Поставен во визуелно импресивна фантазија од 1930-те, ТЕМНИ УЛИЦИ е приказна за Чез Девенпорт (Гејбриел Ман), смел но наивен плејбој кој го поседува најжешкиот нов ноќен клуб во градот – „Кулата“. Опкружен со блуз музика која ја обожува и заробен во триаголник помеѓу две прекрасни пејачки во клубот (Бијоу Филипс и Изабела Мико), на Чез му завидува секој маж; но, неговиот волшебен живот излегува од контрола. До гуша е во долгови и прави лоши избори кои се закануваат да го разурнат неговиот свет од сништата. Неочекуваното самоубиство на неговиот татко изгледа помистериозно и почудно, колку повеќе Чез го истражува. Додека Чез е длабоко вовлечен во мрежата на лаги и предавство, тој повеќе не знае кому да верува или од кого да се плаши.