Шрек засекогаш

СОДРЖИНА

Копнеејќи по деновите кога беше „вистински огар“, Шрек потпишува зделка со Рампелстилтскин за да си го врати својот рик... но, тој го доведува својот свет во хаос. А има само 24 часа да го смени договорот и сé да доведе во ред.
Сѐ започна со еден симпатичен огар кој се спријатели со едно магаре кое зборува и спаси една прекрасна принцеза во незаборавната приказна која го промени калапот за сите анимирани филмови што следеа. Сега пристигнува „Шрек засекогаш“, урнебесното финале на филмскиот феномен кој беше добитник на Оскар. Копнеејќи по деновите кога беше „вистински огар“, Шрек потпишува зделка со Рампелстилтскин за да го поврати својот рик... но, тој го доведува својот свет во хаос. Магарето одеднаш не може да се сети на својот најдобар пријател; Фиона сега е силна принцеза-воин; а Мачорот во чизми е само едно дебело мачориште! Заедно, тие имаат само 24 часа да го сменат договорот и да го вратат среќниот крај во последното поглавје.