Зелената зона

Содржина

Добитникот на „Оскар“, Мет Дејмон и меѓународно ценетиот режисер Пол Гринграс („Борнеовата надмоќ“, „Борнеовиот ултиматум“) повторно се здружуваат за најновиот енергичен трилер „Зелена зона“. Во овој филм, еден војник ќе направи сè што треба за да се разоткрие заверата во една нестабилна земја која влегува во војна. Осамениот војник нема друг избор освен да се одметне за да ја открие скриената вистина.
За време на американската окупација на Багдад во 2003 година, офицерот Рој Милер и неговиот тим од воени инспектори се испратени да го пронајдат оружјето за масовно уништување за кое се верува дека е складирано во ирачката пустина. Одејќи од една стапица во друга, војниците бараат смртоносни хемиски агенси, но наместо тоа наоѓаат сложена завера, која ја превртува целта на нивната мисија. Милер, кој е измамен од оперативци со преплетени агенди, тргнува во потрага со прикриени и погрешни разузнавачки информации во странска земја, барајќи ги одговорите што или ќе го исчистат името на одметнатиот режим или ќе предизвикаат војна во нестабилниот регион. Во несигурно време и во нестабилно место, тој ќе открие дека најтаинственото оружје од сите е вистината.