Содржина
Во „Судир на титаните“, борбата за моќ ги спротивставува луѓето против кралевите, а кралевите против боговите. Но, војната меѓу самите богови може да го уништи светот. Сем Вортингтон („Терминатор: Спасение“, „Аватар“) го игра грчкиот херој Персеј во ова спектакуларно прераскажување на класичниот мит (и култниот класичен филм од осумдесеттите). Персеј роден од бог, но израснат како човек, не може да го спаси своето семејство од канџите на Ад (номинираниот за Оскар, Ралф Фајнс -- филмовите за Хари Потер), одмаздничкиот бог на подземјето. Немајќи веќе што да изгуби, Персеј доброволно предводи опасна задача да се порази Ад пред тој да ја преземе моќта од Зевс (номинираниот за Оскар, Лијам Нисон -- „Бетмен почнува“) и да ја претвори земјата во пекол. Со храбра дружина воини, Персеј тргнува во опасна авантура длабоко во забранетите светови. Борејќи се со подземни демони и страшни ѕверови, тој ќе победи само ако може да ја прифати својата моќ како бог и ако може да се спротивстави на сопствената судбина и да создаде нова.