Содржина
Филмот раскажува испреплетени приказни за четири тинејџери кои се мачат со апсурдноста на животот и се бунтуваат против возрасниот свет во денешен Мексико Сити.
Мартин е лудо вљубен во девојка којашто едвај ја познава. Тој сака гласно да ја искаже својата љубов пред светот што не изгледа дека го интересира. Даниел е музичар кој почнал да вози такси откако ја забременил неговата девојка тинејџерка. Денот кога тој одлучува да биде одговорна возрасна личност нема да излезе како што се надевал. Дулче е агресивна девојка и насилник во средно, но потајно е кревка, со огромна желба да биде сакана. Таа веќе е подготвена да ја загуби невиноста со кој било. Педро е разочаран од светот на возрасните, од кој се има повлечено со зборување свој сопствен јазик. „Напред млади“ ги поврзува нивните страсти и стравови со нивната заедничка препрека во животот – Возрасните.