Да си Џон Малкович

СОДРЖИНА

Крег Шварц (Џон Кјузак) е на крајот на нервите. Повеќе денови очајниот уличен куклар си оди дома со празни џебови, иако е талентиран и забавен. Неговиот десетгодишен брак со Лот (Камерон Дијаз), која е зависна од својата работа во продавница за домашни миленичиња и буквално си ја носи работата дома, во најмала мера е брак од навика. Тие немаат пари, немаат страст и немаат каде да бегаат.
Без друг излез, вештиот Крег се вработува како канцелариски работник во „Лестер Корп“, која е „мала“ компанија, сместена на седмиот спрат на една деловна зграда во Менхетен. На работа, тој ја сретнува убавата и мистериозна вработена Максин Лунд (Кетрин Кинир) и за Крег тоа е опсесија на прв поглед. Максин сепак не е воопшто заинтересирана.
Депресивниот Крег се повлекува во својата канцеларија. Во еден момент на нервоза, тој ја треснува фиоката од што картичките во неа паѓаат зад фиокерот. Кога го поместува, се открива мала забарикадирана врата. Љубопитно отворајќи ја вратата, Крег вимателно се качува во навидум безопасниот отвор и одеднаш е вовлечен во еден темен и влажен тунел. Потоа блеснува една силна светлина и тој губи контрола. Крег открива портал до внатрешноста на уникатното доживување на Џон Малкович. Тоа нема логика. Нема ни граници. А не е никаква шега. Тоа е само почеток...