Содржина
Еден месец по својот 18 роденден, принцезата Викторија го наследува тронот по смртта на нејзиниот чичко, кралот Вилијам IV. Таа немала среќно детство и била присилена да живее според „Кенсингтоновите правила“: никогаш не ѝ било дозволено да биде сама или да си игра со другите деца, спиела во истата соба со мајка ѝ и не ѝ било дозволено да оди по скали без некој да ја држи за рака. Личниот секретар на нејзината мајка, Сер Џон Конрој, се обидел да ја присили да потпише договор што би ја направил мајка ѝ кралица додека Викторија да наполни 25 години. И покрај притисокот и физичките закани, таа се спротивставила и одбила. Како кралица, Викторија добро почнува и, независно од мајка си, таа си создава свои сопствени правила. Сепак, таа прави голема грешка кога го одбива барањето на новиот Премиер да ги именува нејзините дами, па1 тој дава оставка, што доведува до нереди на улиците. Таа веќе го беше запознала згодниот принц Алберт и на крај тие се венчаат, но веднаш доаѓа до проблеми кога се преиспитува неговата улога во нејзиниот живот. Кралицата наоѓа решение и на крајот доаѓа до среќа во нивната врска.
Слики
