Содржина
Љубовна приказна што се одвива во Англија во 1930-тите и ја следи 17-годишната Касандра, како и судбината на нејзиното ексцентрично семејство, борејќи се да преживее во еден англиски замок кој е во распаѓање.
Приказната се прикажува низ очите на 17-годишната Касандра Мортмејн (Ромола Гарај) која го раскажува филмот читајќи од својот дневник. „Мојот замок“ е приказна за едно ексцентрично семејство кое се обидува да преживее во еден замок во распаѓање, со огромни долгови, поради тоа што таткото (Бил Нај) не напишал ни збор по неговиот бестселер роман пред 12 години. Касандра и нејзината убава сестра Роуз (Роуз Бирн) живеат изолиран живот, сосема несвесни за надворешниот свет. Кога нивниот замок е наследен од двајца американски браќа (Хенри Томас и Марк Блукас), тие не се соочуваат само со плаќањето на достигнатите долгови, туку пука и меурот на невиност во кој семејството живеело толку долго, па се будат чувства на љубов, копнеж и љубомора.