PëRMBLEDHJE
Ugarit: Ana, një qytet i lashtë, i zhdukur për mijëra vjet nën rërën e një shkretëtire siriane, u zbulua përsëri në vitin 1922. U rizbulua pa thesarin e tij legjendar, plot me flori dhe bizhuteri, i cili duket të jetë zhdukur pa lënë gjurmë. Jack Hunter, një arkeolog dhe kërkues i thesareve, arrin të rimarrë nga muzeu privat i një kolekcioneri Francëz, tabelën e humbur të Ugarit. Në Kaliforni, shoku i tij i ngushtë Frederick, gjatë studimit të tabelës, vritet nga një i huaj, i cili më pas vjedh dhe tabelën. Jack-u betohet të gjejë vrasësin dhe të hakmerret për vdekjen e Frederick-ut. Jack niset për në Siri. Atje ai pritet nga një perfaqësuese e bukur e Ministrisë së Monumenteve, Nadia Ramadan dhe nga shoferi i pazakontë Tariqiem. Të dy do ta shoqërojnë Jack-un në kërkim të Dr Ali Mohamed-it, personit të fundit me të cilin Federick ka folur në telefon. Gjatë udhëtimit sulmohen nga disa njerëz misterioz, të quajtur Hashshashin, por kapen nga Abert Littman, dhe ky një kërkues i thesarit, me origjinë gjermane. Jack arrin në konkluzionin se, përgjegjës për vrasjen e Frederick-ut është Littman. Arratisen dhe shkojnë në një strofull në mal, ku pasardhësit e banorëve të Ugarit po mbajnë një ritual të çuditshëm me ndihmën e një skeptëri, me një diamant në majë, i cili ka aftësi të kthejë energjinë diellore në energji vdekjeprurëse. Ali-u, lideri i këtij sekti të lashtë, u thotë atyre se, ky diamant përmban një përqindje të një Ylli të rënë nga Qielli, i cili nuk është gjë tjetër por vetëm, një diamant gjigand i vjedhur nga egjiptianët dhe më vonë i groposur në varrin e faraonit Akhenaten. Ky skeptër me këtë diamant të çmuar, të cilin Hashshashin e kanë ruajtur me jetën e tyre për më shumë se tre mijë vjet, në mënyrë që të mos binte në duar të gabuara, është gjithçka që ka ngelur nga kultura e tyre. Papritmas, me shumë zhurmë shfaqet Littman. Njerëzit e tij luftojnë me Hashshashin, vrasin Ali-un dhe marrin kontrollin. Kur mali fillon të shkatërrohet, duke krijuar të çara në tokë, Jack-u shpëton Nadia-ën, ndërsa Littman ia mbath me skeptërin. Më pas shpella shëmbet. Jack dhe Nadia duan të zbulojnë ce çfarë ka ndodhur me Yllin nga Qielli, prandaj vendosin të kërkojnë Littman dhe të kontrollojnë çdo gjurmë.