Съквартирантката

Синопсис

Сара е талентирана млада студентка по дизајн од Ајова. Таа возбудена пристигнува во Лос Анџелес за да почне да оди на колеџ и да го запознае големиот град. Сара која е убава, жива и со љубопитна природа, ги шармира своите нови цимерки, особено Ребека, цимерката која е назначена да живее со неа. Ребека е богата девојка од Пасадена и веднаш ја зема Сара под своето крило, покажувајќи ѝ ги културните знаменитости на градот и со неа споделувајќи го плакарот преполн со дизајнерски алишта.
Но, кога Сара создава уште неколку пријателства во кампусот, вклучително и со забавната Трејси, Ребека почнува да се изолира и развива чудна одбивност кон социјалниот живот на нејзината цимерка. Кога започнува романсата на Сара со нејзиното ново момче, Стефан, а во градот пристигнува нејзината менторка, успешната дизајнерка, Ајрин, таа има сè помалку време за Ребека која станува уште порешителна да ја има Сара само за себе.
Налудничавото однесување на Ребека станува уште поалармантно кога Сара почнува да се сомнева дека Ребека ги саботира нејзините други врски. Кога Сара неволно се согласува да оди на вечера за Денот на благодарноста во раскошниот дом на родителите на Ребека, таа открива тајна која ја убедува да ја напушти собата во студентскиот дом и да се пресели кај Стефан.
Но, додека Сара се обидува да се оддалечи од својата сè поопседната поранешна цимерка, Ребека почнува да станува насилна и да излегува од контрола, што неизбежно доведува до експлозивно и конечно соочување помеѓу нив двете.