Vullnetare si motrat Ora

Rita dhe Elena pjesë e stafeve për të ndihmuar në luftën ndaj Covid-19
Pasi nëna e saj zgjodhi që t’i bashkohej kolegëve në luftën
kundër koronavirusit , Rita Ora dhe e motra e saj Elena kanë zgjedhur të bëjnë
të njëjtën gjë.
Sipas revistës Hello ato janë paraqitur pranë Shërbimit
Kombëtar Shëndetësor (NHS) në Londër për t’u angazhuar si vullnetare.
Bukuroshja shqiptare dhe motra e saj janë në mesin e 750.000 njerëzve që kanë
aplikuar për të dhënë kontributin e tyre kundër kësaj lufte.
Ato do të shpërndajnë pajisje mjekësore, do të kontrollojnë
të moshuarit dhe do të shkojnë në shtëpitë e njerëzve që nuk munden të lëvizin
dot gjatë kësaj periudhe.
Më herët ishte Vera Ora që mori përsipër riskun për të
punuar në frontin e parë të kësaj lufte. Mamaja e Ritës edhe pse me profesion
psikiatre po ndihmon njerëzit që kanë probleme mendore si gratë shtatzëna që
janë të ekspozuara nga ndaj Covid-19.
Ky gjest i saj është vlerësuar shumë nga fansat si dhe nga vetë vajzat e Verës.
Klan Plus
The post Vullnetare si motrat Ora appeared first on Tv Klan.