Vdes aktori që luajti rolin e Darth Vader në Star Wars

Aktori britanik, që ka lujtuar rolin e Darth Vader, në tre filma Star Wars, ka vdekur në moshën 85-vjeçare.
Aktori David Prowse, ish-peshëngritës, ka vdekur më 28 nëntor, pas një sëmundje të shkurtër, ka njoftuar agjenti i tij më 29 nëntor.
Prowse ka lujtuar në filmat Star Wars (1977), The Empire Strikes Back (1980), dhe Return Of The Jedi (1983).
Aktori, që më herët ka qenë tri herë kampion britanik për ngritje të peshave, ka luajtur rolin e Vader në ekran, ndonëse skenari i tij është dubluar nga aktori James Earl Jones.
Mark Hamill, që ka luajtur rolin e Luke Skywalker në filma, ka thënë se Prowse ka qenë “burrë i mirë dhe më shumë se Darth Vader”.
Në një intervistë për BBC-në, Prowse pati thënë se i vjen keq që gjithmonë ka vendosur maskë në filma.
“Të gjithë aktorët duan të njihen dhe unë do të doja të kisha vëmendjen e Luke Skywalker apo Han Solo,” ka thënë ai, duke iu referuar karaktereve ikona në filma./REL/ KultPlus.com
The post Vdes aktori që luajti rolin e Darth Vader në Star Wars appeared first on KultPlus.