Sendet personale të Amy Winehouse dalin në ankand më 6 dhe 7 Nëntor

10 vjet pas vdekjes së Amy Winehouse, familja e saj ka nxjerrë në ankand sendet personale të saj. Janë mbi 800 sende që i përkasin këngëtares së “Back in black” dhe do të dalin në ankand më 6 dhe 7 Nëntor.
Ndër to do të jetë fustani jeshil dhe i zi, i veshur në koncertin e fundit të Qershorit 2011 në Beograd. Fustani i dizajnuar nga mikesha e saj dhe drejtoresha artistike Naomi Parry ka një vlerësim prej 10 deri në 20 mijë Dollarë. Do të ketë edhe artikuj të tjerë si këpucë, CD dhe libra.
“Është shumë e vështirë të bësh një ankand për dikë që humb jetën në moshë të re. U desh shumë kohë për të vendosur se çfarë do të nxirrnim në ankand”, tha drejtori i këtij ankandi, Martin Nolan.
Ankandi, të ardhurat e të cilit do të shkojnë për bamirësi, nuk është e vetmja nismë e organizuar ditët e fundit për të festuar kujtimin e Winehouse.
Klan News
The post Sendet personale të Amy Winehouse dalin në ankand më 6 dhe 7 Nëntor appeared first on Tv Klan.