Princi Harry dhe Meghan Markle kujtojnë takimin e tyre të parë
Mbreti Charles injoron pyetjet e gazetarëve për dokumentarit e çiftit
Netflix njoftoi të enjten publikimin e dokumentarit ‘Harry dhe Meghan’ duke publikuar një klip të shkurtër ku tregohet se si filloi historia e dashurisë së një nga çifteve më të famshme në botë.
“Ishe vonë”, i kujtoi Meghan, Princit Harry teksa po intervistoheshin krah për krah në një divan.
Ajo zbuloi gjithashtu se si vonesa e Princit Harry pothuajse e largoi atë nga ai, sepse Meghan nuk donte të dilte me një djalë që ka kaq shumë ego sa e lë një vajzë të presë gjysmë ore në takimin e parë.
Po ndërsa dokumentari ka ngjallur inters të madh për fansat nuk mund të thuhet e njëjta gjë për familjen mbretërore. Në këto pamje mund të shihet se si një gazetar e pyet mbretin Charles nëse e ka parë dokumentarin dhe nëse e ka takuar Princin Harry.
Por ai vazhdon i qetë duke kryer angazhimet e tij si mbret në një kishë dhe qendër komunitare në Londër . Që kur Harry dhe Meghan u larguan nga detyrat mbretërore dy vjet më parë dhe u transferuan në Kaliforni, ata kanë kritikuar ashpër monarkinë britanike dhe kanë bërë akuza për racizëm të cilat familja mbretërore i ka hedhur poshtë.
Klan News
The post Princi Harry dhe Meghan Markle kujtojnë takimin e tyre të parë appeared first on Tv Klan.
