Kim proteston kundër Facebook

Një nga personazhet me numrin më të madh të ndjekësve në Instagram, Kim Kardashian, ka njoftuar se do të bashkohet me përdorues të tjerë të rrjeteve sociale, në një protestë kundër Instagram-it dhe Facebook-ut.
Kim dhe yje të tjerë me famë botërore si Leonardo DiCaprio, Jennifer Lawrence, Orlando Bloom, Kerry Washington dhe Sacha Baron Cohen, do të jenë pjesëmarrës në këtë protestë. Ata do të “ngrijnë” llogaritë e tyre për 24 orë rresht, duke mos bërë asnjë postim të vetëm si shenjë pakënaqësie për lejimin e përhapjes së urrejtjes, propagandës dhe dezinformimit nga ana e Facebook dhe Instagram. 
Kardashian, përmes një postimi të bërë në llogaritë e saj në mediat sociale tha se “ajo pëlqen mundësinë për t’u lidhur më ndjekësit e saj përmes këtyre platformave. Por nuk mund të hesht më shumë, përderisa këto rrjete sociale vazhdojnë të lejojnë përhapjen e keqinformimit dhe gënjeshtrave, të cilat në një mënyre a tjetër kanë ndikim serioz  në zgjedhjet dhe demokracinë në vend”.
Ajo u kërkoi ndjekësve të saj që t’i bashkohen në ngrirjen e llogarive Instagram dhe Facebook, nën hashtagun #StopHateForProfit.
Ky vendim erdhi pas një thirrjeje të organizuar nga koalicioni i grupeve për të drejtat civile, drejtuar kompanive dhe personave të famshëm që të ndalonin postimet për një ditë të tërë, si protestë ndaj këtyre platformave. Protesta kundër Faceboook dhe Instagram pritet të zhvillohet të mërkurën./tvklan.al
The post Kim proteston kundër Facebook appeared first on Tv Klan.