Çmimet Emmy 2021, ja kush triumfoi

Edicioni i 73-të i Çmimeve Emmy u mbajt mbrëmjen e së dielës në Los Anxheles. Të gjithë i kishin sytë nga “The Mandalorian” dhe prodhimi “The Crown” nga Netflix.
Ky i fundit mori 11 nominime dhe fitoi 7 duke kryesuar mbrëmjen, ndërsa surpriza ishte “Ted Lasso” nga Apple TV, që u nominua për 13 çmime dhe mori 4 prej tyre, një rekord ky për një komedi në sezonin e parë të saj. Nuk mungoi as një çmim për serialin e njohur dhe të suksesshëm, “The Queen’s Gambit” që fitoi “Produksionin më të mirë për një serial”.
Por cilët ishin yjet që triumfuan në këtë mbrëmje? Aktorja e njohur Kate Winslet mori në shtëpi çmimin “Protagonistja më e mirë në një serial” për rolin e saj “Mare of Easttown”, Jean Smart fitoi “Aktorja më e mirë në një serial komedi”, ndërsa me të njëjtin çmim, por për aktorin mashkull, e fitoi Jason Sudeikis.
Ndryshe nga viti i shkuar që ceremonia u mbajt virtualisht, këtë vit u zhvillua përpara një publiku të përbërë nga të nominuar dhe të ftuar të përzgjedhur. Të gjithë pjesëmarrësit duhet të paraqisnin një provë të vaksinimit nga COVID-19./tvklan.al
The post Çmimet Emmy 2021, ja kush triumfoi appeared first on Tv Klan.