Ana tjetër e një reperi, A$AP Rocky rrëfen si ka ndryshuar jeta me rolin si baba

e hënë, 17 qershor 2024 11:58 e paradites

A$AP Rocky po ‘shkund’ imazhin tipik se si duhet të jetë një reper. Në fushatën e re të Bottega Veneta që fokusohet te të qenët baba, ai ka përçuar një anë tjetër tijën.
Rocky u shpall ambasadori më i ri i markës luksoze italiane përmes një seti fotografik bardhë e zi që tregon jetën e tij si baba. 6 fotot e publikuara në Ditën e Babait portretizojnë reperin me dy djemtë e tij, RZA dhe Riot Rose në shtëpi.
“Mendoj se nuk ka shumë njerëz në kulturën time që flasin për të qenët baba dhe prind. Ky personazhi që luan është shumë i reklamuar. Kur mendon për një reper, mendon për adoleshencën, stilin e jetës së një beqari”, tha A$AP Rocky në një konferencë për shtyp.
“Ky jam unë si bashkëshorti i një gruaje, si burrë familjar. Është ajo që plotëson jetën time tani: të jem prezent si partner dhe si prind”, vijoi ai.
A$AP Rocky dhe Rihanna kanë folur herë pas here për djemtë e tyre në intervista apo postime në rrjetet sociale. Ata janë shprehur se kanë regjistrime të fëmijëve që shpresojnë t’i përdorin në projektet e ardhshme muzikore. Rihanna ka deklaruar se kanë shumë dëshirë që ta zgjerojnë familjen edhe më shumë.
“Ky është evoluimi i Mr. Mayers”, tha Rocky. “Ky jam unë që trupëzoj dhe përqafoj të qenët prind, baba, bashkëshort dhe familjen ndërsa punoj në të gjitha fushat e karrierës time”, përfundoi reperi./tvklan.al
The post Ana tjetër e një reperi, A$AP Rocky rrëfen si ka ndryshuar jeta me rolin si baba appeared first on Tv Klan.

Më shumë

TvProfil përdor cookie për të siguruar eksperienën më të mirë të përdoruesit dhe funksionalitetin e faqes. Më shumë informacione rreth cookies mund të gjenden këtu: politikat e privatësisë.