PëRMBLEDHJE
Dita e parë e sezonit të gjuetisë së drerëve mund të jetë një ritual më vete për shumë gjahtarë në Miduest, por në asnjë vend nuk festohet si në qytetin e Eskabanës. Një komedi e shkruar, me regji dhe me pjesëmarrjen e Jeff Daniels. Daniels luan rolin e Ruben Sodej, një gjahtar, i cili vihet në lojë nga meshkujt e familjes, sepse ska mundur të vrasë asnjë dre. Inati i Rubenit arrin kulmin mbrëmjen e hapjes së sezonit të gjuetisë së drerëve, kur bashkohet me babanë dhe vëllanë e tij, në kasollen e familjes në kampin e gjuetisë. Nëse Rubeni, i cili tani është 43 vjeç, nuk arrin të vrasë një dre në fund të sezonit, ai do të jetë i pari në histori që ska arritur ta realizojë një detyrë të tillë, një tabu kjo që bën që njerëzit e komunitetit të tij të mendojnë se ai sjell ters. Rubeni e thyen traditën, duke marrë këshilla nga gruaja e tij, e cila i ofron atij ilaçe shpirtërore, ku përfshihet edhe një pije me urinë ferrëgjati. Forcat e botës së përtejme si lejojnë meshkujt e familjes Sodej të realizojnë qëllimet e tyre. Pasi ngrenë kampin, ata shqetësohen nga drita verbuese dhe vizione. Pasi takojnë edhe rojën e parkut, Sodejët e dinë se mbrëmja e tyre do të bëhet edhe më e çuditshme dhe shpresat e Rubenit për të ndrequr reputacionin e tij si "burrë që svret drerë" marrin fund. Filmi është bazuar në veprën me të njëjtin titull, e cila u vu në skenë për herë të parë në teatrin "Purple Rose Theater" në Çelsa, Miçigan.